مفرش بأللوان الربيع 💞

السلام عليكم ..~كيفكم بناات. !!
تدوينتي اليوم مليانه اللوااان بتعجبكم  ،،☁️❄️
 كانت عندي كمية خيوط نحيفةة حبيت اتخلص منها بشكل جمييل
جا عبالي اشتغل مفرش كروشيهي ملون  💜💙💚💛❤️💗
مكون من وحدات مربعة  اخترت ابسط واشهر وحدة في الكروشية .
جراني سكوير او زي مايسموه مربع الجده 👵🏼 ❤️


كان الشغل سريع وممتع 

 

 

 وبديت اشبك الوحدات باللون الابيض  وبان جمالها

  
 

 في البداية كنت مستصعبه الشغل بالخيوط النحيفه بس الحمدلله ماواجهت صعوبه او ملل لاني كنت اشتغل بسنارة كلوفرالمعروفة براحتها والحمدلله انهيت المفرش وطلع شكلو مرره جميل ماشاءالله

 

 حطيته على الكرسي الهزاز في صالتي  

حسيتة اضاف لمسسة جميلةة

 

اشتغلت الحواف بغرزة بسيطه ( عمود وسلسه .. واخر راوند سويتوو غرزة البيكوو ) ماحبيت أتكلف ويضيع جمال الوحدات

حبيت وزنها الخفيف بعكس بطانيات خيوط الناتورال وزنها ثقييل في الشغل 

انتهت تدوينتي الاقيكم في تدوينه قادمةة بإذن الله كونو بالقرب 🍃

خدادية بوحدة مربعةة ..

السلام عليكم ..
تدوينتي اليوم عن خداديةة كروشيةة ..
شفتها بمدونة امونه زمان وعجبتني كثير

هنا مدونتها


.. استنيت يتوفر عندي اللون التفاحي المناسب عشان ابداء فيها
واشتغلتها على السريع وماصورتها اثناء العمل من كثر الحماس
هذا عيبي دايما انسى اصور اثناء العمل ع طول اصور الشكل النهائي

 

 

اشتغلت الوجهه كروشيه ولما خلصته ثبته على تلبيسة خدادية جاهزه

معلومات عن الشغل
الخيوط المستخدمه ناتورال
السناره 3.5

تدوينه سريعه وخفيفه عشان ما اغيب كثير :$
 

مرت سنةة !! ( بطانيتين كروشيةة )

السلام عليكم ،،

مرت سنةة ع اخر تدوينة !! ياسرع الايام

سنة 2015 كانت سيئةة بالنسبه ليااا .. عشان كذا ابتعدت عن التدوين
الحمدلله على قضاء الله وقدرةة

قررت ارجع لكم وانزل بوستات جميلةة زي اول واحسن ان شاءالله
ناوية انوع مواضيع المدونةة مو بس كروشيةة
اي منتج اجربه ويعجبني راح انزل بوست عنه
بس اول ابغى افرغ جهازي من صور الاعمال المتراكمه اللي تحتاج تدوين

هالبوست بيكون فيه بطانيتين جميلةة ولادي وبناتي
البطانيةة السماوي اللي نزلتها وخلصت عليا الخيوط
خلصتها وسويت لها حواف جميلةة
ماشاءالله تبارك الله







معلومات عن الشغل
استخدمت خيط اليز تركي نوع كوتن قولد مع سنارة مقاس 4mm
ابعاد البطانيةة 90*90 cm
ماني فاكرة كمية الخيوط اللي استخدمتها لان من زمان سويتها
بعد فترة اشتغلت نفسها بنفس الغرزه لون وردي بس الحجم اكبرر

ماشاءالله تبارك الله

ماشاءالله تبارك الله








معلومات عن البطانية الوردي

استخدمت فيها خيوط تركية ناعمه تناسب البيبيهات
تشبه للكوتن قولد بس شركة اخرى ناسيه اسمها اشتريتها من تركيا والخبر الحلو انها توفرت بالهنداويةة
ابعاد البطانية متر في متر

كمية الخيوط تقريبا 800 جرام مايقارب 8 بكرات

للبيع للي حابة تقتنيها .. تستخدم كلحاف طفل او كمفرش عالصوفا
قبل ما انسى هذي الغرزة اللي اشتغلت عليها

وصلت لنهاية التدوينةة
فيه وحدة من الاخوات بالردود قالت لي على فكرة انه انزل بوست عن سناراتي وخيوطي وكتبي وكل شي يخص الكروشيةة شكرا على الفكره الجميلة 
باذن الله اجهز لهالبوست بالايام القادمه
في امان الله 

 

ملاحظه : الاحظ على الصورة تنعدم فيها الدقه لما ارفقها بالمدونةة غير لما تكون محفوظه بالجهاز

أي وحده عندها خلفيةة عن هالشي تفيدني جزاها الله خير

كروشية تونسي

السلام عليكم

نسمات فجرية رمضانيةة رائعةة ..

صباحكم الثامن من رمضان

شخباركم حبيباتي ،،؟

تدونتي اليوم بتكون عجيبةة وجميلةة

اشتغلت على عمل منوع عباره عن قطعة كروشية تونسي

بعدين طرزتها بالكروس ستيتش

اشتغلت قطعة مربعه كروشية تونسي بالغرزه البسيطه 

استخدمة ابرة الكروشيه التونسي مقاسها 5mm 

مع خيط ناتورال 

فيه قاعده للكروشيه التونسي تستخدمي سناره مقاسها اكبر من مقاس السناره العاديه بنمرتين 

يعني انا اشتغل مع خيط الناتورال بسناره مقاسها3.5 للكروشيه العادي 

وفي التونسي استخدم سناره مقاسها 5 

ان شاءالله تكونو فاهمين عليا 

بعد ماخلصت شغل كروشيه تونسي اشتغلت على الحواف غرزة حشو بسناره عاديه دار مدار القطعه 

وسويت غرزة حواف بالكروشيه العاديه بس بعدين غيرت الغرزه حتشوفو في الصور تحت

هنا بديت اختار اللوان عشان اطرز 

واكتشفت انه هالخيوط النحيفه ماتزبط مع قطعتي 

فطرزتها بخيوط كروشيه كوتن قولد

 

 

وخلصت القطعه سويت لها حواف بغرزة حرف v 

 

 

ثبتت القطعه على كيس مخدة جاهز بالخياطه العاديةة 

وانتهيت من هالعمل الرائع 

جمعت ٣ فنون في واحد 

كروشية تونسي 

كروشية عادي 

كروس ستيتش 

وصلت لنهاية تدوينتي اذا عجبكم شي 

قولو ماشاءالله تبارك الله 

الاقيكم في التدوينة القادمه بآذن الله 

مع السلامه 

بطانية طفل كروشية

السلام عليكم 

صباحكم الاول من شهر رمضان المباركك 

كل عام وانتو بخيير وعساه ينعاد علينا وعليكم كل سنه وكل عام 

الفتره الاخيره اشتغلت ع بطانيةة طفل كروشية

استخدمت خيوط اليز نوعها كوتن قولد 

وفجأه تخلص خيوطي =|

اككره لما تخلص الخيوط وانا بنص الشغل =\

غلفتها بنايلون وحطيت عليها ستيكر الخيط المستخدم 

عشان ما انسى درجة اللون  

عبال ماشتري الخيوط الجديده *.*

ورحت الهنداوية

 وحصلت خيوط تركيه انواع كثيره وتجنن  .. اللحقو عليها يابنات بس لاتخلصوها =p

اشتريت اللي ناقصني وبديت اكملها لسسه ماخلصتها 

 

 

 

 

 

 

 

 

 

 

 

 

صورت صور كثيره حرام تكون حبيسة الكام صح ؟

=)

باقي شوي واخلصها ان شاءالله 

مقاسها مقاس طفل يعني متر في متر  

زي ماقلت الخيوط كوتن قولد والسناره مقاسها٤

انبسطت انه فيه ناس لسه تتابعني وتستنى تدويناتي 

يلا الاقيكم في التدوينه القادمه واكون مخلصه البطانيه ان شاءالله 

في امان الله 

مهاد / مدس كروشيةة

السلام عليكم ورحمة الله وبركاتةة 

زي ماوعدتكم في التدوينةة الاخيرةة انو حنزلكم المدسات اللي  اشتغلتها بالفترة الاخيرةة 

اول شي اشتغلت هالمدس الولادي بخيوط اليز كوتن قولد الجميلةة 

واهديتةة لحبيبتي وصديقتي اول ماجابت ولدها 

  

هذي الالوان اللي استخدمتها 

اشتغلته بغرزة حرف ڤي (v) 

وهذي النتيجةة

ماشاءالله تبارك الله 

وهذا المدس الثاني نفس غرزة بطانية التوليب 

اشتغلته وخليته يمكن اعرضه للبيع

ماشاءالله تبارك الله 

ماشاءالله تبارك الله 

ماشاءالله تبارك الله 

شغلة المدسات جدا جميلةة وممتعه 

الخيوط كوتن قولد زي ماقلت 

المقاس من 0_3 اشهر

مقاس السناره 4mm

 وبكذا انتهت تدوينتي اتمنى الاقي تعليقاتكم زي اول  

في امان الله