الجمعة، 30 ديسمبر، 2011

اغراض المعهد ^^

السلام عليييكم 
وحشتني مدوونتي كثيير كثيير 
باركولي سرت ابله :$ 
ادرس البنات بالمعهد اشغال يدويه منوعه 
طبعا ما استغني عن افكاركم الحلوه 
رحت يوم الثلاثاء والاربعاء الهنداويه واشتريت الاغرض اووف تعبت من الفرفره =(
بس والله اكتشفت اشياء تجنن ^^
ماصورت كل الاغرض لانها كثيره كثيرره مررررره 
بعد ما ارتبها بالفصل ان شاء الله اصورها لكم 
يلا اخليكم مع بعض المشترياات 
اذكرو الله 
ماشاء الله تبارك الله 























اشياء جميله صح ؟؟ ^^
انتظرو الصور من داخل المعهد 
في امان الله 

الخميس، 15 ديسمبر، 2011

جآآكيت صبآآ ~||

السلام عليكم ~
اخيراااا خلصت من الجاكييييييييت ^^
لي شهر ونص تقريبا وانا اشتغل فيه بس على فتراات متقطعه 
اللي عطلني اكثر شي  الخيوووط  خلصت 
هون صورة الجاكيت الاصلي 






لما شفت الجاكيت في النت انهبلت على اللوانه مررره عجبتني ودخلت مزااجي وحاولت اسوي زيه بالزبط
هنا اثناء الشغل 




خلص عليا الخيط الابيض والرمادي ووقفت شغل 
وبعد فتره اشتريت الخيوط وكمللت ^^
ماشاء الله تبارك الله 
ترى اللون فوشي مو احمرر =)



ماشاء الله تبارك الله 



ماشاء الله تبارك الله 




ماشاء الله تبارك الله 




معلومات عن الشغل 
نوع الخيوط : قطن ناتورال 
مقاس السناره : 3.وربع mm
مدة التنفيذ : شهر ونص متقطعه 
المقاس : سنتين 
الشرح  : انا ما نفذت الشرح بكل تفاصيله بس سويت البداية على المقاس اللي يناسب صباا والباقي من الشرح 


بسم الله نبدأ :

عرض الجاكيت :32 سم (من تحت فتحة الابط)
الطول : 42 سم
طول الاكمام من الرقبه : 36 سم
نوع الخيط : 100% قطن كاميليا
حجم السناره : 2.5 
كمية الخيط : 6 لفات
1- اعملي 108 سلسه بعدها تعدي 3 سلاسل وفي الرابعه تشتغلي عامود بلفه وتكملي لحد ما يصبح العدد 105 عامود بلفه 
2- ارتفعي سلسله وحده واشتغلي غرزة حشو ع الاعمده كلها
3- ارتفعي 3 سلاسل واشتغلي 16 عامود بلفه ، في السلسه الي بعدها اشتغلي 3 عامود بلفه ( يعني 3 اعمده في نفس سلسله ( في مكان واحد))، بعدها اشتغلي 19 عامود بلفه ، في السلسه الي بعدها اشتغلي 3 عامود بلفه في نفس المكان ، اشتغلي 32 عامود بلفه ، وفي السلسه الي بعدها 3 عامود بلفه كملي واعملي 19 عامود بلفه + 3 اعمده بلفه في السلسه الي بعدها + 16 عامود بلفه 
4- ارتفعي سلسله واشتغلي غرزة حشو فوق كل عامود لحد ماتوصلي للعامود الثاني من الاعمده الثلاثه الي اشتغلتيهم في سلسله وحده من السطر السابق واشتغلي عليه غرزتين حشو وكملي فوق كل عامود غرزة حشو لحد ماتوصلي للعامود الثاني من الاعمده الثلاثه واشتغلي عليه غرزتين حشو
5- ارتفعي 3 سلاسل واشتغلي فوق كل غرزة حشو غرزة عامود بلفه لحد ماتوصلي بين غرزتين الحشو واعملي 3 عامود بلفه وكملي فوق غرزة الحشو عامود بلفه . كرري السطرين 4-5 لحد مايصير عندك 15 سطر
6- السطر 16 راح ارتفعي سلسله و اشتغلي غرزة حشو فوق كل عامود لحد ماتوصلي للعامود الثاني من الثلاثه الاعمده في السطر السابق واشتغلي عليه 3 غرز حشو بعدين فوق كل عامود غرزة حشو وهكذا
7- السطر 17 ارتفعي 3 سلاسل واعملي عامود بلفه فوق غرزة الحشو لحد ما توصلي لغرزة الحشو الثانيه( من الثلاثه الغرز الي في السطر السابق )واعملي عليها 3 اعمده بلفه وبعدين فوق كل غرزة حشو عامود بلفه وكملي شغلك ع هذا الاساس . كرري (6-7) لحد ما توصلي للسطر 24

8- لما توصلي للسطر 24 راح يكون طبعا غرز حشو راح تمشي الشغل زي ماقلنا لحد ماتوصلي لعند الزيادة الي هيا 3 اعمده راح تعملي ع العمود الاول غرزة حشو والثاني 3 غرز حشو واعملي سلسله او اثنين بعدين بتشبكي شغلك بـ3غرز حشو ع الطرف الثاني من الكم (الصورة بتوضح ) وكملي شغلك بنفس الطريقه مع الكم الثاني 
9- كملي الجزء السفلي ع اساس الباترون السطر الاول والثاني 3 مرات ،السطر الثالث 4 مرات ،السطر الرابع 12 مره لحد ماتوصلي للطول الي تبغيه

اطراف الجاكيت (الحواف):-
10- راح تعملي ع الجزء الامامي والرقبه داير ما دار غرزة حشو السطر الثاني راح تعملي 4 او5 سلاسل وتعملي غرزة حشو في السلسه 3 او 4 من السطر السابق زي ماتحبي الموقع مو ذاكر بالزبط كم سلسله نترك ، السطر الثالث راح تعملي جو السلاسل عدد من الاعمده 6 او 8 برضو ماذكر الموقع وتعملي غرزة حشو فوق غرز الحشو من السطر السابق لاخر السطر 

الاكمام :-
11- راح تشتغلي ع الكم غرز حشو داير ما دار والسطر الثاني عامو بلفه وكرري السطرين لحد ماتوصلي للطول الي تبغيه وبعدين اشتغلي الطرف زي ما عملنا في الجزء الامامي والرقبه



طبعا مو شرحي انا .. هذا الشرح لقيتو مع الجاكيت 
في امان الله ^^


الثلاثاء، 13 ديسمبر، 2011

مشتريااااتي


السلام عليكم ~||
اخبااركم !!
ماشاء الله اشوف زوااار مدونتي كثرووو بس على الصامت 
ياليت اشوف تعليقاتكم عشان اتحمس وادوون اكثر =)
كانت عندي مشاريع كثيره متوقفه عشان الخيوط مخلصه =(
وقبل اسبوعين رحت الهنداويه اشتريت النواقص + اشياء جديده 
خيوط مخمل ومشابك البروشاات ولولو ^^
يلا اخليكم مع الـPC











اخترت اللوان غامقه لاني بسويها قبعات للعيال ^^
التدوينة الجايه باذن الله بتكون جاكيت صباا فديت قلبهاا 
بنات دعواتكم لي بالشفاء ق1
في امان الله 

الخميس، 1 ديسمبر، 2011

مشاركة في مسابقة الاقلاع

صباح الخيير ||
اخبااركم ؟؟
كانت فيه مسابقه بالاقلاع قسم الديكور
كانت فكرة المسابقه اي عمل يدوي نفس ثيم الكعبه
طبعا اشتركت فيها وفزت بالمركز الثاني =)
جبت نسخة من مشاركتي هوون


السلام عليكم ~
يسعدلي صباحكم .. وكل عام وانتو بخير 
والله يتقبل من كل حآآج .. والف مبروك لهم وعقبال اللي ماحجو ي رب 
من زمان شفت الفعاليه بس اني مشغوووله ..
لاكن الحمدلله امس حاولت اني اسوي شي بسيط للمشاركه 
وي رب يعجبكم
سويت 3 اشياء
ميدالية كروشية 
كفر كوب بـ الكروشية 
وفآآصل كتآب بالجوخ .. 

اول شي الادوآآت ..



خيوط كروشيةه اسود واصفر .. سنارة .. ازرار .. مقص .. وكوب 

سويت الميدالية



6 قطع وشبكتهم ببعض وحشيتهم بالبوليسر 

صارت ميدالية 



ترى يد اخوي الصغير 




بعدين سويت كفر الكوب




سويته الكفر بغرزة البريد الخلفيه .. وسويت 3 مستطيلات ودائرتين باللون الاصفر وبعدين ركبتهم










فآآصل الكتاب ..
جبت جوخ اصفر واسود .. وقصيتهم مثلثات .. وبعدين قصصت مستطيلات ودائره وثبتهم .. ياكرهي للجوخ ماحبه 








وهون صورة جماعيه للـ 3 اعمال ..



ي رب تعجبكم اعمالي 
انبسطت كثير اني شآآركت بالفعاليه رغم انشغالي 

تصبحون على خير 


 ,