الخميس، 25 يونيو، 2015

كروشية تونسي

السلام عليكم
نسمات فجرية رمضانيةة رائعةة ..
صباحكم الثامن من رمضان
شخباركم حبيباتي ،،؟
تدونتي اليوم بتكون عجيبةة وجميلةة
اشتغلت على عمل منوع عباره عن قطعة كروشية تونسي
بعدين طرزتها بالكروس ستيتش







اشتغلت قطعة مربعه كروشية تونسي بالغرزه البسيطه 
استخدمة ابرة الكروشيه التونسي مقاسها 5mm 
مع خيط ناتورال 
فيه قاعده للكروشيه التونسي تستخدمي سناره مقاسها اكبر من مقاس السناره العاديه بنمرتين 
يعني انا اشتغل مع خيط الناتورال بسناره مقاسها3.5 للكروشيه العادي 
وفي التونسي استخدم سناره مقاسها 5 
ان شاءالله تكونو فاهمين عليا 




بعد ماخلصت شغل كروشيه تونسي اشتغلت على الحواف غرزة حشو بسناره عاديه دار مدار القطعه 
وسويت غرزة حواف بالكروشيه العاديه بس بعدين غيرت الغرزه حتشوفو في الصور تحت
هنا بديت اختار اللوان عشان اطرز 
واكتشفت انه هالخيوط النحيفه ماتزبط مع قطعتي 
فطرزتها بخيوط كروشيه كوتن قولد

 






 
وخلصت القطعه سويت لها حواف بغرزة حرف v 
 
 



ثبتت القطعه على كيس مخدة جاهز بالخياطه العاديةة 






وانتهيت من هالعمل الرائع 






جمعت ٣ فنون في واحد 
كروشية تونسي 
كروشية عادي 
كروس ستيتش 

وصلت لنهاية تدوينتي اذا عجبكم شي 
قولو ماشاءالله تبارك الله 

الاقيكم في التدوينة القادمه بآذن الله 
مع السلامه 

الخميس، 18 يونيو، 2015

بطانية طفل كروشية

السلام عليكم 
صباحكم الاول من شهر رمضان المباركك 
كل عام وانتو بخيير وعساه ينعاد علينا وعليكم كل سنه وكل عام 
الفتره الاخيره اشتغلت ع بطانيةة طفل كروشية
استخدمت خيوط اليز نوعها كوتن قولد 















وفجأه تخلص خيوطي =|
اككره لما تخلص الخيوط وانا بنص الشغل =\



غلفتها بنايلون وحطيت عليها ستيكر الخيط المستخدم 
عشان ما انسى درجة اللون  
عبال ماشتري الخيوط الجديده *.*

ورحت الهنداوية
 وحصلت خيوط تركيه انواع كثيره وتجنن  .. اللحقو عليها يابنات بس لاتخلصوها =p
اشتريت اللي ناقصني وبديت اكملها لسسه ماخلصتها 



 
 
 

 
 
 


 
 
 



 
 

 

صورت صور كثيره حرام تكون حبيسة الكام صح ؟
=)
باقي شوي واخلصها ان شاءالله 
مقاسها مقاس طفل يعني متر في متر  
زي ماقلت الخيوط كوتن قولد والسناره مقاسها٤
انبسطت انه فيه ناس لسه تتابعني وتستنى تدويناتي 
يلا الاقيكم في التدوينه القادمه واكون مخلصه البطانيه ان شاءالله 
في امان الله 

الجمعة، 23 يناير، 2015

مهاد / مدس كروشيةة




السلام عليكم ورحمة الله وبركاتةة 
زي ماوعدتكم في التدوينةة الاخيرةة انو حنزلكم المدسات اللي  اشتغلتها بالفترة الاخيرةة 
اول شي اشتغلت هالمدس الولادي بخيوط اليز كوتن قولد الجميلةة 
واهديتةة لحبيبتي وصديقتي اول ماجابت ولدها 

  
هذي الالوان اللي استخدمتها 
اشتغلته بغرزة حرف ڤي (v) 
وهذي النتيجةة

ماشاءالله تبارك الله 

وهذا المدس الثاني نفس غرزة بطانية التوليب 
اشتغلته وخليته يمكن اعرضه للبيع

ماشاءالله تبارك الله 



ماشاءالله تبارك الله 


ماشاءالله تبارك الله 


شغلة المدسات جدا جميلةة وممتعه 
الخيوط كوتن قولد زي ماقلت 
المقاس من 0_3 اشهر
مقاس السناره 4mm
 وبكذا انتهت تدوينتي اتمنى الاقي تعليقاتكم زي اول  
في امان الله  

السبت، 10 يناير، 2015

Tulip crocheted blanket

السلام عليكم ،،
ياربي سرت ماعاد اعرف ادون من كثر ماهجرت التدوين :(
ونسيت كيف ابدا التدوينةة :( 
المهم ماعلينا ،،  
اليوم التدوينة بتكون عن بطانية التوليب اشتغلتها من فترة يمكن4 شهور
اشتغلتها بخيوط اليز كوتن قولد تجنن هالخيوط


هذي صورتها اشتريتها من محل الحرف والفنون السعوديه اللي بالسلطان مول 

هنا اول مابديت اشتغل عالبطانيةة 



ترا بعض الصور ماعليها حقوقي رجاآ لحد ينسبها لنفسه 


ماشاءالله تبارك الله 


وصورها لما كبررت 




 ماشاءالله تبارك الله 


 






وقربت اخلصها 





بعد معاناه ٦ شهور من الشغل على هذي البطانية


الحمدلله خلصتها وطلعت جميلةة زي ماتخيلتها 

من كثر ماعجبتني الغرزة قررت اشتغل مدس طفلة بنفس الغرزة بالخيوط الباقيه
ماشاءالله


خلصت من المدس بس لسه ماصورته ان شاءالله اصوره قريبا وانزله 
تلاحظون عالصور تصويرها كان باوقات مختلفه بعضها بالكام والبعض بالايفون
اكسل اصور كل لحظه بالكام 
معلومات عن الشغل 
الخيوط المستخدمة :اليز تركي كوتن قولد كل لفه فيها ١٠٠ جرام 
اللون الاحمر والفوشي والاخضر استخدمة لفه ونص من كل لون يعني تقريبا ١٣٠ جرام 
اللون البيج استخدمة ٤٥٠ جرام 
مقاس السنارة : 4ملم 
المدة المستغرقه للعمل : 6 اشهر 
الباترون من اليوتيوب
بس انا غيرة الغرزه بدل السنقل كروشية اشتغلت هالف دبل كروشية 
هذا الرابط 
http://m.youtube.com/watch?v=7QutKDLYtT8

وصلت لنهاية تدويني 
ان شاءالله لنا لقاء في تدوينة قادمه 
اتركم في رعاية الله وحفظه