الاثنين، 13 مايو، 2013

Crocheted blanket

السلام عليكم ..|
مسااء الخيرات ..
الشهر اللي فات لما وصلتني الخيوط الجميلةة كنت مقرره اسوي فيها بطانيةة كروشيةة  من وحدات مربعة
وسويت جدول بالمقاسات وعدد الوحدات المطلوب انجازها
والحمدلله خلصتها في وقت قياسي .. بس حسيت انه حجمها صغير وباقي خيوط واستغليتها وزودت الحجم
اخليكم مع تطورات البطانيةة
خلصت الوحدات المشمشي وبديت في البيج ..


 




وخلصت كل الوحداات مع تحديدها وتنظيف الخيوط الزائده اثناء العمل
نظفت الخيوط اول باول والله حاجة مريحه عشان لما اخلص العمل ماشيل هم تنظيف الخيوط :|
فاكرين بطانيتي السداسة ؟؟ للحين مانظفت خيوط بعض الصفوف والله كل ما اشوفها تنسد نفسي =(
لذلك ماحبيت اكرر الغلطةة =)


 





وبديت في تكوين الوحدةة للشكل المربع =)



وصارت مربع جمييل =)


ولابد من اخذ قسط من الراحةة .. وقفةة مع القهوة العربيةة والمعمول اللذيذ =)
ويبدو اني شفطت القهووة قبل مااكل المعمول D:
وسويت الراوند الاخير للوحدةة .. 



واكتمل الشكل المربع حجمها 10سم تعتبر كبيرةة =)


بعد كذا اشتغلت الوحدة الثانيه وشبكتها اثناء العمل بغرزة منزلقةة 



وهكذا شبكت كل الوحدات بهالطريقةة 


التدوينة الجايةة ان شاءالله حكمل باقي تطورات البطانيةة 

معلومات العمل .
الخيوط : نوعها قطن من شركة شوقر اند كريم
مقاس السناره : 5.0mm  

كمية الخيوط لحد الان استخدمت 2 لفه بني و 3 لفات مشمشي والكريمي اللفه الكبيره لسه ماخلصت 

الباترون موجود في مدونة الجميلةة جلووز 


اختمو اعجابكم بـ ( ماشاءالله تبارك الله )

استودعتكم الله