بونشو للبيع || Poncho for sale

السلام عليككم ...|
تدوينتي لليوم بتكون للبونشو ( شال ) الجميل
اشتغلته بخيوط ا امريكيه نوعها اكريليك 100%
الخيوط متينة  ووزنها خفيف جداا استخدمت معاها مقاس سنارة 6.0mm
لون عوودي ومحدد بفضي المقاس فري سايز يعني ينفع للأطفال والبنات الكبار .. انا لبستةة وطالع عليا حاجة جميلةة اووي
وطبعا ثبتت عليه قلب معدني مكتوب علية مصنوع بحب  ,, يعني حاجةة راقيةة وغير كذا غرزتة مو اي احد يتقنهاا
اخليكم مع الصوور
هون لما كنت اشتغل فيةة 

 

وخللصته ( ماشاءالله تبارك الله )

هنا سويت زوم للقلب =)

كلفني وقت وجهد وكمية خيووط
طبعا زي ماهو واضح بالعنوان انه الشال معروض للبيع =)        
(تم البيع )
استودعكم الله 

مشتريآآتي الكروشيهيةة ~||

السلآآم عليككم ..|
وصلللت مشترياتي من الجميلةة الحبيبه الاخت اوروبا (جللو )
وطبعا صورتها باكثر من صوره من كثر ماني فرحآآنة فيها الله  يبارك لي في وقتي وجهدي وانجز اعمالي بسسرعةة
وصلتني الاغراض الاربعاء اللي فات بس كنت مشغولة شويتين
وبما اني اليوم فاضية قلت ازبط الصور وانزلها بالمدونةة
طبعا طلبت خيوط قطن من شركة شوقر اند كريم
اللفه فيها 70 جرام وحجم الخيط اشتغلة مع سنارة مقاس 5.0mm
انا من اول عندي خيوط وكنت ارتبها في يوم ماا وعجبني اللون المشمشي مع البيج و البني
جات على بالي فكرة اني اسوي بطانيه لبنات اختي لما يبيتون عندنا  بهذي اللوان .. فطلبت اوروبا عدد خيوط مكملة للي عندي
وعجبني عندها لفة  جامبو لون بيج حجمها 400 جرام .. شكلها يشهي للشغل =)
وكمان طلبت المقص الذهبي اللي على شكل طااؤوس ساحرني هالمقص =)
وقلوب معدنية مكتوب عليها صنع بحب اثبتها بالخيط والابره على اشغالي =)
ماشاءالله تبارك الله 

هون بالتغليف .. 

شايفين الخيط اللي لوحدة لون بني فاتح ؟؟ هذا ارسلتو ليا هديةة لبى قلبهآآ 

شايفن كيف اللفة كبيرة ماشاءالله D:
 

 

حطيتها جنب اللفه العادية عشان تشوفون قد ايش الحجم هع 

 

ووبس
ايوه نسيت ما اكتب الاسعار
الخيوط اللفه ب 13ريال
واللفه الجامبو ب 40 ريال
المقص ب 40 ريال
القلوب ب 25 ريال فيها 75 قلب
وهذا موقع الاخت اوروبا تقدرون تطلبون منها وعندها اشياء رووعةة 

http://jalloz.com/

التدوينةة القادمة  ان شاءالله بتكون لبونشو خلصتو وعارضته للبيع
تعليقاتكم حبيباتي عشان احس اني قآآعدة اكلم ناس مو اكلم الحيط =(
كونو بالقرب  استودعتكم الله 

مقتطفات من سفرتي الى تركيا

السلام عليكم ..
بعيدا عن الكروشية وحوسته
حبيت انزل لكم صور صورتها بتركياا

آيا صوفيا صرح فني ومعماري موجود في منطقة السلطان أحمد بالقرب من جامع السلطان أحمد. هي كاتدرائية ( كنيسة ) سابقة ومسجد سابق وحاليا متحف يقع بمدينة إسطنبول بتركيا.و تعد من أبرز الأمثلة على العمارة البيزنطية والزخرفة العثمانية.
صورة المتحف من الخارج .. كان وقتها برررد قوي وبعد صلاة الجمعةة نزل المطر الجمييل .. 

من الداخل :

 

كشك صغير وبتلاقون منه كثير داخل المتحف فيه اشياء للبيع  تحف  ولوحات ومعالم صغيرة لاسطنبول والمتحف ولتاريخ تركياا ..

وفيه صور كثيره للمتحف  بس العجز مابنزلها مره وحده  =(

زاوية من جامع السلطان أحمد

مترو شارع السلطان احمد 

في العباره اخذنا لفة عالبسفور 

لقطة لقصر دولمة من الخلف  

 

 

المدخل الى قصر دولمةة (قصر الخلافة العثمانية ) طبعا داخل القصر تاريخ الخلافه العثمانية وفيه كل اثارهم
وادواتهم .. وغرف نومهم ومطبخهم وحياتهم كاملةة ومحافظين حتى على الاثاث والمفارش وكل حاجةة .. وممنوع التصوير داخل القصر بس ممكن تكتبو بقوقل قصر دولمة وتطلع لكم صوره من الداخل
زي مانتو شايفين اطفال الروضه مسوين لهم جوله =)
منظر الاطفال يجيب السعادةة وكل مارحنا مكان لقينا مجموعة مدارس ماخذين الاطفال ويعملون لهم جولات 

الحديقة الخلفية للقصر 

لقطة لثلوج بورصةة .. 

خلاص اكتفي بهذا القدر
وهذي قطوتي التركية تودعكم على امل اللقاء في تدوينة قادمةة كونو بالقرب

استودعتكم الله

عودة بعد انقطآآع =) im back

السلام عليكم

صبااح الخيير

والله مستحيةة منكم وادري طووولت عليكم في الغيبه بس ايش اسوي سرت ماحب ادخل المدونه مستثقلتها مرره

لكن رجعت لكم وعشان خاطر الناس اللي تتابعني بصمت =)

وانا متواجدة على طول بالانستقرام   .. بس هاليومين فيه مشكلة صايرة بالايباد ومايفتح الانستقرام قههر :(

مو مشكلة ان شاءالله تنحل المشكلةة

المهم بحاول اني ادون اكثر قدر ممكن في هذي التدوينةة

الشههر الي فات كنت باسطنبوول ياجمااالك ي اسطنبوول والله ماكنت ابغى ارجع السعوديةة :(

  ودورت على محلات الخيوط مالقيتهاا حست ومالقيتها  انقههرررت =(

وقبل ماسافر طلبت اشياء للكروشيةة من امازون عن طريق الاخت اوروبا اللي بشبكة الاقلاع

طلبت كتاب وسنارات وخيوط .. السنارات صديقتي طلبتهم لي شوفوهم ( فيس خآق )

شايفين هالسنارات مريييحة لليد لابعد درجةة انصح لكل البنات فيهاا خاصه للي شغلهم مستمر زيي  ..

والكتاب جميل حطبق منه كم شغله وبصورلكم الباترون ان شاءالله

الخيوط طلبتها لتكملة عدد عندي وسويت فيهم بونشو جمييل وحعرضه للبيع ان شاءالله في الانستقرام

لسه باقي لي تشطيبات واخلص منه ان شاءالله

ومن الحماس اول ماوصلتني السنارات على طول اشتغلت فيها .. ايييوه صح سويت قطااوة كثيرين اصدقاء للرمادي

هون لما كنت اشتغل في القطو الاسود .. في صراع دائم مع الرمادي =)

وصارو اصدقااء ,, شايفين كيف حبوبين ؟؟  

صح نسيت ماقولكم .. طلبت طلبية جديده من الاخت اوروبا خيوط والمقص الذهبي اللي على شكل طاؤوس جمييل ماخذ عقلي ومن زمان نفسي فيه كنت اشوفو في مدونات اجنبيات كثثير والحمدلله طلبته وان شاءالله يوصلني بسلامةة

كنت اتمنى ادون اكثر من كذا واحمل كل الصور بس علق التحميل =(

يلا استودعتكم الله حبيبااتي