مغامرات امنيكو Adventures amineko

السلام علييكم ~|
اللهم صلي وسلم على سيدنا محمد
احب اجواء يوم الجمعة خااصه الصبآآح .. فطوور وقهوة وجمعة اهل وبخوور الله لايخليني منهم
المهم هذي التدوينة بتكون صوور لمغامراات  امينكووو + باترون قبعه وحده طلبتني انزل لها الباترون بشكل اوضح
هذا الباترون

باترون قبعةة

يلا اخليكم مع صور قطوتي الجميلةة الجزء الاوول :
دآآخل كيس الشوبينق D:

نتفررج ع مسلسل اخر الليل =) 

يلاا ان شاءالله تكونو حبيتووه زي ما انا حبيته :)
في اماان الله 

Shoes baby crocheted

السلام عليكم ..
صبآآح الخيرآآت
نكممل بااقي الاغراض اللي اشتغلتها في الطلبية الاخيره
شوزآآت منووعه استخدمت فيها خيوط منوعه بتكلم عنها في اخر التدوينة
ماشاءالله تبارك الله 

كل الشوزات لطفله عمرها سنه ونص
الصندل البيج : اشتغلته بخيط قطن نحيف بس على فتلتين
الشوز الاصفر .. والابيض اشتغلتهم بخيوط ناعمة تبع البيبي
الشوز البيج بوردة حمراا هذا  طقم الفستان اشتغلته بخيوط ناتورال
والشوز الذهبي العجيب : اشتغلته بخيوط خشنة جدآآ واتوقع انها ماتستخدم للكروشية الا للزينة فقط
بس الزبونه اصرت علياا الا واشتغلها بهذا الخيط ..حبيت الشوز كموديل ولسه معترضه انه طفله تلبسه لانه خشن على رجولها الا اذا بتلبسها شراب معااه ممكن يمشي الحال
بالعافيه على صاحبتهم
في امان الله 

amineko crochet

السلام عليكم
صبآآح الخيير
عيدكم مبآآرك وتقبل الله طاعتنا وطاعتكم .. وجعلنا من عتقاائه
قبل اسبوع كنت اتصفح مواقع الكروشية وطاحت عيني على قطووة جمييله وشفت ناس كثير مسوينهاا
وسرت اجمع صوورها .. ووريتها صديقتي وحمسناا بعض وسويناهاا هع
تجنن القطووة ..
يلا شوفو صورها وبحط لكم الباترون تبعهاا
هنا مرحلة ماقبل التشبيك .. على فكره واجهتنا صعووبه في الملامح العيون والفم والانف :( بس الحمدلله زبطناها 

جهزت قطوتنا  هههههههههههه
ماشاءالله تبارك الله 

ويتقهوى معايه كمآآن =)

معلومات عن الشغلل :
استخدمة خيوط صوف وقطن مخلوط تبع البيبي
سناره مقاس : 3.وربع mm
مدة العمل : 4 ايام متقطعه
الباتترون : http://www5a.biglobe.ne.jp/~mite/diagram/crochetedCat.htmlيلا مع السلامه

 

طقم فستان كروشية ..

السلام عليكم ..|
صباح الخير وصباح ايام العشر المباركه ..
الله يسهل لكل حآآج .. ويرجعهم بالسلامه لاهاليهم
الحمدلله ماجات هذي الايام الا وانا مخلصه من الطلبيه الكبيره اللي كانت عندي .. لاني نويت ما امسك الكروشية في  هذي الايام .. بعطي نفسي اجازة =)
الطلبيه اللي كانت عندي عباره عن قبعاااات اشكال واللوان .. شوزات موديلات متنوعه وفساتين وايشارب .. الحمدلله خلصتهاا
بس بعد ماتعبت وانكسر ظهري .. رقبتي وكتووفي مرره راحو فيهاا واصابعي والله ورمت من الشغل .. احتآآج مساااج داااافى
بنزل لكم شغلي على دفعاات مو كله مره وحده =)
هنا لما كنت اشتغل في طقم الفستان

صورة موديل الفستان في الايباد .. طبعا مالقيت باترون له .. وصديقتي شرحت لي على الصوره ومشيت على شرحها وطلع ميه ميه الحمدلله

وهنا بعد ماخللصت  

ماشاءالله تبآآرك الله

 

ماشاءالله تبآآرك الله 

 ماشاءالله تبآآرك الله 

 ماشاءالله تبآآرك الله 

من الخلف حطيت له ازارير كيوووت

 ماشاءالله تبآآرك الله 

معلومآآت عن الشغل :

العمل لطفلة بعمر سنه ونص 

استخدمت خيوط ناتوراال لون بيج 9 لفات يعني 450 جرام 

سنارة : 3.50mm
 غرزة صدر الفستان : عمودين في عمود .. والجزء اللي تحت اشتغلته بغرزة المروحة
الشوز والقبعه بغرزة العمود
طبعا هذي احلى قطعة اشتغلتها من الطلبيه وحسيتها زي ذوقي ..

في امان الله 

مفرش كروشية زجزاج دائري ..

السلام عليكم
Good morning all
شخباركم ؟؟
انا قد اتكلمت عن مفرش الزجزاج الدائري انه كان مستطيل من زماان مشتغلته بس طلع فيه غللط وخليته على جنب
في هذا الصيف فكيته وحولته لزجزاج دااىري طلع جميييل بس لسه ماخصلته يلا بوريكم صوره قبل وبعد
هنا قبلل

وحالياا كذاا

طالع اجمل من المستطيل صح ؟؟ 

لسه تحت الانشاء وسبته على جنب لانه عندي طلبيات .. راح اكمله بس متى ؟؟ الله اعلم
يلا في اماان الله 

فضفضه =)

صباح الخيير .. 

 اليوم حاولت ادون من الايباد وانزل صور .. بس ماعرفت للخيار اللي ينزل صوره ماكان واضح

واللاب توب اكسسل مره افتحه .. دحين فتحته ابي شغله ضروريه قلت خليني ادووون
.. نفسي اصير نشيطة واخلص العمل اللي في يدي بسرعه زي الناس الكويسسه .. ماشاءالله شفت وحده بالانستقرام امس بدت في بطانية بيبي واليوم انهتهاا وسوت لها اطراااف كماان .. ماشاءالله ماشاءالله .. لو انا جلست شهرر وكرهوني الناس وانا ماخلصت
يارب اصير زيهاا واشتغل بجد واجتهاد مو اتلهى بالبيبي =( .. ع طاري البيبي لي شهر ماني مفعله الخدمه واليوم فعلتها .. شعور حلو لما كل الناس يسالوني فينك اختفيتي ووحشتينا وكذا :$
انا حاليا جالسه اشتغل في اعمال منووعه للاطفال .. تقريبا وصلت للنهاية .. ماراح اصورها اللين اشططب
هنا صوره صورتها وانا بشتغل ع قبعه




صورة الصوره في اضائتين مختلفه وعجبتني كل الصورتين عشان كذا نزلتها كلهاا ..
مع اني كارهه خيوط الناتورال بس ماتنقضني الا هيه ..
يلا تصبحون على خييير ولاتنسون التعليقات ترى تعليقاتكم تعطيني دافع ادون اول باول
في امان الله .. 

مايكل كورس

السلام عليكم
مساااء الخير والروقااان .. مع اني مانمت غير 3 ساعات بس
لكن فرحاانه لانه طلبيتي وصلت اليووووم الظههر وطاار النووم وجلست اصوور فيهاا
بس هالمره مو خيوط ولاصووف ..
قبل شهر كلمت تاجره توفرلي شنطة مايكل كوورس وجلست انتظرها اللين وفرتها قبل 3 اسابيع وعلى طوول طلبت منها 2  وشحنتها ليا بالبريد السعودي وصلتني بعد اسبوعين من الشحنه
التاجره من اسواق سيتي اسمها دمووع الغرام .. انا محد دلني عليهاا .. كتبت بقوقل وبحثت عن تاجرات للشنط وطبيت عليهاا
بس انها انسانه ذووق واخلاق وبالها طوووووووويل ماشاء الله عليها حبيتها مرره والاهم بضاعتها نظيفه وخاماتها اصليه وراح اطلب منها دايماا واتعامل معاها ع طوول
يلا بوريكم صورة الشنط

الشنطة هاي كواليتي يعني طبق الاصل
 ولبس العافيه لي انا وبنت عمتي ^^

شنطة وحدات كروشية

السلام عليكم 
يسعد مساائكم يالغوالي ..

 
 كنت ادور عمل اسويه بالخيوط الامريكيه وطحت على هذي الشنطة 

وقعت في غرامهاا .. عجبتني .. دورت باتروون الوحدات مالقيته وانقهرتت 

حاولت ادور ادور بالقوه حصلت باترون بالصور وصامت يعني بدون شرح بس مفهوم وواضح 

وجاا دوور شغلي استخدمت خيوط مخلوط نص اكريليك ونص قطن 

 ومعاها سناره مقاس 4.5mm 

الخيوط عريضة شوي وممتعه في الشغل بتلاحظون اخترت لون احمر وبني وابيض 

بس اختي غيرت رائيي وقالت البيج احلىى الفرق بين شنطتي والصوره انه حقتي اشتغلتها بغرزة العمود والصوره الاصليه مشتغلينها بحشوو انا ابغى اخلصها بسرعه عشان كذا سويتها بالعمود  ..و خليت الشنطة على مقاس الايباد

وبعد ماخلصت طلعت كبيره وحلوه تشيل ايبادي وجوالي واغراضي الشخصيه كماان =)

بعد ما اشتغلت الوحداات 

الشكل النهآآئي وبعض الصور في وضعيات مختلفه مره فاضيه ومره مليانه مره معلقه وهكزاا ..




ماشاء الله تبارك الله ..

ذكر الله زين يابنآآت :$ 

ماشاء الله تبارك الله ..

الشنطة ناقصها تبطين من الدآآخل وتركيب ازارير 

في آمآآن الله 

بوليروو + دودة بالكروشية

السلام عليكم 
يسعد صبااحكم متابعيني 
اخيراا خلصت من العملين اللي كانت قاعدة على قلبببي 
سويت بوليروو بخيوط رفيعه ناتورال لون بيج 
استخدمت لفة ونص وسناره مقاس 2.5 mm
كان شغل الجهتين الاماميه حلوو وسهل وسريع 
اما المربع الخلفي كان شوية صعب =(
هون صورته 


ماشاءالله تبارك الله 

العمل الثاني .. 
كنت ابغى اتخلص من بقايا خيووط قاعدة على قلبي قلت خليني اسوي فيهم لعبة هع 
سويت دوده كبيييييره جداا جميلةة 
انبسطو فيهاا الصغااار 

ماشاء الله تبارك الله 

في امان الله