Tulip crocheted blanket

السلام عليكم ،،

ياربي سرت ماعاد اعرف ادون من كثر ماهجرت التدوين :(

ونسيت كيف ابدا التدوينةة :( 

المهم ماعلينا ،،  

اليوم التدوينة بتكون عن بطانية التوليب اشتغلتها من فترة يمكن4 شهور

اشتغلتها بخيوط اليز كوتن قولد تجنن هالخيوط

هذي صورتها اشتريتها من محل الحرف والفنون السعوديه اللي بالسلطان مول 

هنا اول مابديت اشتغل عالبطانيةة 

ترا بعض الصور ماعليها حقوقي رجاآ لحد ينسبها لنفسه 

ماشاءالله تبارك الله 

وصورها لما كبررت 

 ماشاءالله تبارك الله 

 

وقربت اخلصها 

بعد معاناه ٦ شهور من الشغل على هذي البطانية

الحمدلله خلصتها وطلعت جميلةة زي ماتخيلتها 

من كثر ماعجبتني الغرزة قررت اشتغل مدس طفلة بنفس الغرزة بالخيوط الباقيه

ماشاءالله

خلصت من المدس بس لسه ماصورته ان شاءالله اصوره قريبا وانزله 

تلاحظون عالصور تصويرها كان باوقات مختلفه بعضها بالكام والبعض بالايفون

اكسل اصور كل لحظه بالكام 

معلومات عن الشغل 

الخيوط المستخدمة :اليز تركي كوتن قولد كل لفه فيها ١٠٠ جرام 

اللون الاحمر والفوشي والاخضر استخدمة لفه ونص من كل لون يعني تقريبا ١٣٠ جرام 

اللون البيج استخدمة ٤٥٠ جرام 

مقاس السنارة : 4ملم 

المدة المستغرقه للعمل : 6 اشهر 

الباترون من اليوتيوب

بس انا غيرة الغرزه بدل السنقل كروشية اشتغلت هالف دبل كروشية 

هذا الرابط 

http://m.youtube.com/watch?v=7QutKDLYtT8

وصلت لنهاية تدويني 

ان شاءالله لنا لقاء في تدوينة قادمه 

اتركم في رعاية الله وحفظه 

Crocheted dress

السلام عليكم 

حملت تطبيق البلوقر ع الايفون وهذي اول تدوينةة منه 

مريح بشكلل ماتتخيلونةة 😍❤️ 

ان شاءالله يخليني ادون واكون متواصله معاكم ع طول 

الفتره اللي راحت اشتغلت فستان مولودة وشوز وقبعةة 

وراح اهديه لصديقتي لبنونتها الجميلةة 👼🌸

اخليكم مع الصور 

ماشاءالله تبارك الله 

اشتغلته بخيوط ناتورال مع سنارة مقاس ٣وربع 

الاقيكم بالتدوينةة القادمه ان شاءالله 

بطانيتي شافت النور

السلام عليكم يسععد صباحكم صبايا ..!اخيراا بطانيتي شافت النور وطلعت لكم ولله الحمد ماشاءالله تبارك الله 

 

حبيت ادخل اللوان جديده بالحواف عشان تنعشها شويةة دخلت اللون السماوي ايش رايكم ؟؟ صارت اجمل صح !! انا حبيتها 

الفتره الاخيره يستهويني  عمل الدمى بالكروشية بشككل فضيع وسويت دمى كثيرةة بومةة وعروسةة مزيونةة :$غير القطاوة طبعآآ ..  

 

شايفين قد ايش جميلةة هالبومةة =)والا العروسة وشعرها الويفي عذاااب :$ ماشاءالله ناقصها شوز احمر وتصير كشخةة هههههه

 


العروسة اشتغلت الجسم بخيط ناتورال اما الشعر والفستان والفيونكه سويتهم بخيوط قطنيةة نحيفةة 

حالياا جالسه اتعلم التريكو ويبدو اني حبيتةة .. وقبل جربت كم تجربه بالكروشية التونسي بس التريكو احلى يلا الاقيكم قريب بتدوينةة جديده بأذن الله كونو بالقرب 

مراحل تطور البطانية

السلام عليكم
ادري اني قاطعةة وتاخرت عن المدونةة بس ايش اسوي مشاغل الدنيا الله لايشغلنا الا بطاعته
انتو شخباركم عساكم لسسه متابعيني :$
ااخر تدوينة كانت لبطانية وعلى اساس بنزل التدوينات ورى بعض بس الظروف بعدتني عن النت شويتين سامحوني
ابشركم خلصت من البطانية وسويت لها اطراف جميلةة
يلا بخليكم مع الصور
لما بديت مرحلة تشبيك الوحدات 

قطوتي تحب تحششر عمرها باي مكان :$

صورت الين هالمرحلةة .. وكملت الشغل وخلصتها الحمدلله  لسسه بصورها لما خلصت وكذا بس برنامج الفوتو تعطل عندي الله يعيني ع هالجهااز بيجلطني
يلا انتظروني قريب
كونو بخير

Crocheted blanket

السلام عليكم ..|
مسااء الخيرات ..
الشهر اللي فات لما وصلتني الخيوط الجميلةة كنت مقرره اسوي فيها بطانيةة كروشيةة  من وحدات مربعة
وسويت جدول بالمقاسات وعدد الوحدات المطلوب انجازها
والحمدلله خلصتها في وقت قياسي .. بس حسيت انه حجمها صغير وباقي خيوط واستغليتها وزودت الحجم
اخليكم مع تطورات البطانيةة
خلصت الوحدات المشمشي وبديت في البيج ..

 

وخلصت كل الوحداات مع تحديدها وتنظيف الخيوط الزائده اثناء العمل
نظفت الخيوط اول باول والله حاجة مريحه عشان لما اخلص العمل ماشيل هم تنظيف الخيوط :|
فاكرين بطانيتي السداسة ؟؟ للحين مانظفت خيوط بعض الصفوف والله كل ما اشوفها تنسد نفسي =(
لذلك ماحبيت اكرر الغلطةة =)

 

وبديت في تكوين الوحدةة للشكل المربع =)

وصارت مربع جمييل =)

ولابد من اخذ قسط من الراحةة .. وقفةة مع القهوة العربيةة والمعمول اللذيذ =)
ويبدو اني شفطت القهووة قبل مااكل المعمول D:
وسويت الراوند الاخير للوحدةة .. 

واكتمل الشكل المربع حجمها 10سم تعتبر كبيرةة =)

بعد كذا اشتغلت الوحدة الثانيه وشبكتها اثناء العمل بغرزة منزلقةة 

وهكذا شبكت كل الوحدات بهالطريقةة 

التدوينة الجايةة ان شاءالله حكمل باقي تطورات البطانيةة 

معلومات العمل .
الخيوط : نوعها قطن من شركة شوقر اند كريم
مقاس السناره : 5.0mm  

كمية الخيوط لحد الان استخدمت 2 لفه بني و 3 لفات مشمشي والكريمي اللفه الكبيره لسه ماخلصت 

الباترون موجود في مدونة الجميلةة جلووز 

اختمو اعجابكم بـ ( ماشاءالله تبارك الله )

استودعتكم الله 

بونشو للبيع || Poncho for sale

السلام عليككم ...|
تدوينتي لليوم بتكون للبونشو ( شال ) الجميل
اشتغلته بخيوط ا امريكيه نوعها اكريليك 100%
الخيوط متينة  ووزنها خفيف جداا استخدمت معاها مقاس سنارة 6.0mm
لون عوودي ومحدد بفضي المقاس فري سايز يعني ينفع للأطفال والبنات الكبار .. انا لبستةة وطالع عليا حاجة جميلةة اووي
وطبعا ثبتت عليه قلب معدني مكتوب علية مصنوع بحب  ,, يعني حاجةة راقيةة وغير كذا غرزتة مو اي احد يتقنهاا
اخليكم مع الصوور
هون لما كنت اشتغل فيةة 

 

وخللصته ( ماشاءالله تبارك الله )

هنا سويت زوم للقلب =)

كلفني وقت وجهد وكمية خيووط
طبعا زي ماهو واضح بالعنوان انه الشال معروض للبيع =)        
(تم البيع )
استودعكم الله 

مشتريآآتي الكروشيهيةة ~||

السلآآم عليككم ..|
وصلللت مشترياتي من الجميلةة الحبيبه الاخت اوروبا (جللو )
وطبعا صورتها باكثر من صوره من كثر ماني فرحآآنة فيها الله  يبارك لي في وقتي وجهدي وانجز اعمالي بسسرعةة
وصلتني الاغراض الاربعاء اللي فات بس كنت مشغولة شويتين
وبما اني اليوم فاضية قلت ازبط الصور وانزلها بالمدونةة
طبعا طلبت خيوط قطن من شركة شوقر اند كريم
اللفه فيها 70 جرام وحجم الخيط اشتغلة مع سنارة مقاس 5.0mm
انا من اول عندي خيوط وكنت ارتبها في يوم ماا وعجبني اللون المشمشي مع البيج و البني
جات على بالي فكرة اني اسوي بطانيه لبنات اختي لما يبيتون عندنا  بهذي اللوان .. فطلبت اوروبا عدد خيوط مكملة للي عندي
وعجبني عندها لفة  جامبو لون بيج حجمها 400 جرام .. شكلها يشهي للشغل =)
وكمان طلبت المقص الذهبي اللي على شكل طااؤوس ساحرني هالمقص =)
وقلوب معدنية مكتوب عليها صنع بحب اثبتها بالخيط والابره على اشغالي =)
ماشاءالله تبارك الله 

هون بالتغليف .. 

شايفين الخيط اللي لوحدة لون بني فاتح ؟؟ هذا ارسلتو ليا هديةة لبى قلبهآآ 

شايفن كيف اللفة كبيرة ماشاءالله D:
 

 

حطيتها جنب اللفه العادية عشان تشوفون قد ايش الحجم هع 

 

ووبس
ايوه نسيت ما اكتب الاسعار
الخيوط اللفه ب 13ريال
واللفه الجامبو ب 40 ريال
المقص ب 40 ريال
القلوب ب 25 ريال فيها 75 قلب
وهذا موقع الاخت اوروبا تقدرون تطلبون منها وعندها اشياء رووعةة 

http://jalloz.com/

التدوينةة القادمة  ان شاءالله بتكون لبونشو خلصتو وعارضته للبيع
تعليقاتكم حبيباتي عشان احس اني قآآعدة اكلم ناس مو اكلم الحيط =(
كونو بالقرب  استودعتكم الله